Во рамки на проектот „Хермес: водич за средношколско патување низ антиката“ се
реализираше обука фокусирана на дидактичките насоки во деловите од наставните
програми по предметите латински јазик, македонски јазик и литература, историја и
ликовна уметност, во коишто се застапени содржини што на директен или индиректен
начин се во релација со античкото културно наследство. Содржината на оваа обука
овде е достапна за поширок круг корисници, а е дополнета и со содржините од
проектот Docendo discimus, исто така реализиран од страна на здружението „Антика“ и
повеќемина наставници по класичните јазици во средните училишта во нашата земја.